طالبان اداره د داعش د غړي نیول د خپلو پخوانیو ادعاوو د تایید نښه بولي
د طالبانو د حکومت ویاند وایي، د داعش د یوه مهم غړي نیول په هغو سیمو کې چې د ډیورند کرښې هغې غاړې ته موقعیت لري، دا څرګندوي چې د دې ادارې پخوانۍ خبرداري د داعش د حضور او فعالیت په اړه بېاساس نه وو.
ذبیحالله مجاهد په یوه غږیز پیغام کې رسنیو ته وویل چې د طالبانو اداره څو ځله له مطبوعاتي غونډو او د اطلاعاتو د خپرولو له لارې، د ډیورند کرښې هغې خوا ته د داعش د پناهځایونو او مهمو کسانو د شتون په اړه خپلې اندېښنې څرګندې کړې وې. د ده په وینا، د دغو خبرداریو پایلې اوس څرګندې شوې دي.
د طالبانو د حکومت د ویاند په څرګندونو کې ویل شوي چې د افغانستان څخه بهر د داعش د مهمو غړو نیول دا ښيي چې دغه ډله هلته دایمي مرکزونه جوړ کړي او لوړپوړي کسان یې هم شتون لري. ده زیاته کړه چې د دغو کسانو «سوء استفاده» شوې، هغه موضوع چې طالبانو له وړاندې څو ځله ورته اشاره کړې وه.
دغه څرګندونې وروسته له هغې کېږي چې د ترکیې دولتي رسنیو د دغه هیواد د ملي استخباراتو د یوې پراخې عملیاتې د ترسره کېدو خبر ورکړی، چې په هغو سیمو کې شوي وو چې د ډیورند کرښې امتداد جوړوي. د راپورونو له مخې، یو ترک تبعه چې په د داعش په جوړښت کې یې مهم رول درلود، نیول شوی دی.
د اناطولو خبري اژانس د امنیتي سرچینو له قوله راپور ورکړی چې نیول شوی کس «محمدت ګورن» نومېږي، او د داعش خراسان څانګې سره یې فعالیت درلود. د راپورونو پر بنسټ، نوموړی په افغانستان، پاکستان، ترکیه او یو شمېر اروپایي هېوادونو کې د ملکي خلکو پر ضد د ځانمرګو بریدونو د تنظیم مسؤلیت درلود.
په راپور کې راغلي چې د ترکیې استخباراتو موندلې وه چې دغه کس له ترکیې نه د افغانستان او پاکستان پولو ته تللی، د داعش په کمپونو کې یې روزنه ترلاسه کړې او ورو ورو یې په دغه ډله کې د مشرۍ مقام ته ځان رسولی و.
اوسني بدلونونه یو ځل بیا د سیمهییز امنیت او د داعش د ګواښ د مدیریت په اړه اندېښنې راپاروي. شنونکي وایي، یوازې ادعاوې او رسنیز څرګندونې د دې فرامرزي شبکې د مهار لپاره بسنه نه کوي او اړتیا ده چې شفافیت، سیمهییزه همکاري او عملي ځوابورکونه موجود وي.
